CV Generator necə istifadə olunur?

CV Generator nədir?

CV Generator — JobLabs-ın pulsuz onlayn CV hazırlama alətidir. Hesab yaratmadan məlumatlarınızı doldura, önizləyə və dizaynını seçə bilərsiniz. Məlumatlarınız yazdıqca avtomatik olaraq brauzerinizdə (lokal) saxlanılır, ona görə səhifəni bağlasanız belə irəliləyişiniz itmir.

Artıq hazır CV-niz varsa, sıfırdan yazmağa ehtiyac yoxdur — birinci addımda onu yükləyin, sistem məlumatlarınızı avtomatik oxuyub bütün sahələri dolduracaq, siz isə yalnız yenidən dizayn olunmuş nəticəyə baxıb istəsəniz düzəliş edəcəksiniz.

Alət 6 addımdan ibarətdir: Şəxsi məlumat, Təcrübə, Təhsil, Bacarıqlar və Layihələr, Əlavə məlumat, Önizləmə.

Artıq CV-niz var? Yükləyin, avtomatik doldurulsun

Birinci addımın yuxarısında "CV yüklə" düyməsi var — mövcud CV-nizi (PDF və ya .docx formatında) buradan yükləyə bilərsiniz. Sistem CV-nizi oxuyub bütün məlumatları (təcrübə, təhsil, bacarıqlar, dillər, sertifikatlar və s.) avtomatik doldurur və birbaşa önizləmə addımına keçirir.

Bu əməliyyat üçün pulsuz hesab tələb olunur (formanı əl ilə doldurmaq üçün hesaba ehtiyac yoxdur, amma CV yükləyib avtomatik doldurmaq üçün var). Hesabınız yoxdursa, qeydiyyat linkinə yönləndirilirsiniz.

Skan edilmiş və ya şəkil kimi ixrac olunmuş CV-lər (məs. Photoshop-dan flatten edilmiş PDF) də dəstəklənir — belə hallarda sistem mətni deyil, faylın özünü vizual olaraq oxuyur.

1–4-cü addımlar: Məlumatlarınızı doldurun

Şəxsi məlumat addımında ad-soyad, email, telefon, şəhər və vəzifə başlığınızı yazırsınız. İstəsəniz profil şəkli əlavə edə bilərsiniz.

Təcrübə addımında iş yerlərinizi ayrı-ayrı bloklar kimi əlavə edirsiniz — şirkət, vəzifə, başlama/bitmə tarixi (hazırda işlədiyiniz yerdə "Hazırda bu işdə çalışıram" qutusunu işarələyin) və qısa təsvir.

Təhsil addımında məktəb, ixtisas, sahə və məzuniyyət ilini qeyd edirsiniz.

Bacarıqlar və Layihələr addımında həm texniki/peşəkar bacarıqlarınızı (teqlər şəklində), həm də layihələrinizi əlavə edə bilərsiniz.

• "Növbəti" düyməsi ilə addımlar arasında irəliləyin, "Geri" ilə düzəliş edin
• Bütün addımlar məcburi deyil — boş buraxıb sonra qayıda bilərsiniz
• Yazdıqca hər şey avtomatik yadda saxlanılır, əl ilə "save" etməyə ehtiyac yoxdur

5-ci addım: Əlavə məlumat

Bu addımda CV-nizə üç əlavə bölmə əlavə edə bilərsiniz: Dillər (dil adı və səviyyə — A1-dən C2-yə qədər, ya da "Ana dili"), Sertifikatlar və Mükafatlar (kurs sertifikatları, peşəkar mükafatlar) və Könüllülük təcrübəsi.

Bu bölmələrin heç biri məcburi deyil — yalnız real məlumatınız olan yerləri doldurun, boş buraxdığınız bölmə yekun CV-də ümumiyyətlə görünməyəcək.

6-cı addım: Şablon seçin və önizləyin

Son addımda CV-nizin canlı önizləməsini görürsünüz. İki dizayn arasından seçim edə bilərsiniz: "Klassik" (sadə, ənənəvi format) və "Premium" (rəngli aksentlə daha müasir görünüş — 6 hazır rəngdən birini seçə bilərsiniz).

Hər iki şablon tamamilə pulsuzdur.

CV-ni yükləmək və ya profildə saxlamaq

PDF olaraq yükləmək və ya CV-ni profilinizə yazmaq üçün pulsuz hesab lazımdır — bu, yalnız bu iki əməliyyat üçündür, formanı doldurmaq və önizləmək üçün hesaba ehtiyac yoxdur.

Hesabınız yoxdursa, "PDF-i Yüklə" və ya "Yadda Saxla" düyməsinə basdıqda qısa bir pəncərə açılır və qeydiyyat linkinə yönləndirilirsiniz — doldurduğunuz məlumatlar itmir, qeydiyyatdan sonra davam edə bilərsiniz.

Hesabınız varsa, "Yadda Saxla" CV-nizi birbaşa profilinizə yazır (yaşıl təsdiq mesajı göstərilir) ki, işəgötürənlərə bir kliklə müraciət edərkən (profil ilə sürətli müraciət) bu məlumatlardan istifadə oluna bilsin. "PDF-i Yüklə" isə CV-nizi <Ad Soyad>.pdf faylı olaraq endirir.

Vacib: CV-nizi profilinizə "Yadda Saxla" ilə yazdığınız an, siz avtomatik olaraq işəgötürənlərin axtarış apardığı istedad bazasında (talent pool) görünən olursunuz — ayrıca bir "talent pool-a qoşul" addımı yoxdur, profiliniz özü elə bu funksiyanı görür.

Sonradan geri qayıtmaq istəsəniz: profil səhifənizdəki "CV-lərim" bölməsində ən son yadda saxladığınız CV-ni birbaşa PDF olaraq yükləyə, ya da CV Generator-a qayıdıb dəyişiklik edə bilərsiniz — məlumatlarınız avtomatik bərpa olunur.

Praktik məsləhət

Yaxşı CV texnologiya və bacarıq siyahısından çox, konkret nəticələri göstərməlidir. Təcrübə təsvirlərində "nə etdiniz" və "nəticəsi nə oldu" sualına cavab verməyə çalışın.

Daha ətraflı məsləhətlər üçün "Bakı bazarı üçün CV-də ən çox nəzərə çarpan 6 detal" məqaləmizə baxa bilərsiniz.